Om Swastiastu🕉️
Atur Piuning titiang majeng ring Semeton Maha Warga Bhujangga Waisnawa.
Ngeninin indik Puja Wali ring Pedarman Bhujangga Waisnawa Pura Besakih nepek Rahine Tumpek Krulut nemu rahina Purnama Kelima sane jagi rauh, tgl 31 Okt 2020.
Kesungkemin manut keputusan sekadi penugrahan Ide Rsi Bhujangga Waisnawa Nabe Oka Widnyana Griya Ubung Denpasar.
Indik wangi sane jagi pacang kemargiang wantah munggah Bebangkit, kewewehin antuk Guru piduka lan bendu piduka.
Wali kemargiang wantah serahine manten,ngawit semeng nyantos sore Ide Bhatara ngelantur kesineb.
Wali kesanggra sareng Prajuru pemangku, semeton Griya Takmung Lepang Klungkung
Nginutin surat keputusan MDA Prop Bali no.8/SK/MDA-Bali/X/2020 tgl 12 Okt 2020,untuk menghindari kerumunan penyebaran COPID 19, semeton sane nenten penyangra wali, mangda ngerastiti saking Mrajan Griya,paumahan soang soang antuk wangi sakesidan, senistane munggah pejati.
Kadi asapunike atur piuning titiang dumogi pade ngeledangin suksma antuk uratiannyane.
Om santih santih santih Om.
Humas MWBW
🙏🙏🙏
No comments:
Post a Comment